Dupf-Club Basel, Alti Garde

Mir sin e reini Männerglygge. Mitglieder vo dr Alte Garde sin oder wärde automatisch au Mitglieder vom Stammverein. Die Alti Garde isch en Art „Seggzion“ vom Stammverein vom Dupf-Club Basel.

Drummler, Pfyffer und Vordräbler

Drummler, Pfyffer und Vordräbler, wo mindeschtens 40 Joor alt und im Stammverein Mitglied sin, könne sich für dr Übertritt in die Alti Garde amälde. Es isch aber au e diräggte Ytritt vo Drummler, Pfyffer oder Vordräbler in die Alti Garde möglig.

D Drummel- und Pfyfferstunde finde s ganz Joor dure am Zyschtigzobe im Dupf-Club-Käller, im Pfäffergässli 8, statt. Die übrige Mitglieder sin derzue au yglade, bsunders härzlig aber als am erschte Zyschtig im Monet. In de Summermönet Juli und Auguscht sin au für uns Ferie. Aber es träffe sich amme trotzdäm e baar Agfrässeni im Käller.